Купала во Пскове начала 16 века

 
 

Купала во Пскове начала 16 века

Отрывок из Псковской первой летописи



1505 год.

 

Послание игумена Панфила Елизаровы поустыни наместнику великихе князей а князю псковскомоу Дмитрею Володимеровичю Ростовьскому.

 

 

Егда приходить великий празник день Рожества Предотечева, но и еще преже того великого празника, исходить огавницы мужие и жены чаровницы, по лугом, и по болотом, и в пустыни, и в доубравы, ищущи смертныя травы и привето чрева от травнаго зелиа на пагубоу человеком и скотом; ту же и дивия корениа коплют на потворение моужем своим: сиа вся творять дЕиством дьяволим в день Предотечев, с приговоры сотонинскими. Егда бо приидеть самый празник Рожество Предотечево, тогда во святую ту нощь мало не весь град возмятется, и в селех возбЕсятца в боубны и в сопели и гудеш. ниеме струнным, и всякими неподобными игранми сотонинскими, плесканием и плясанием, женам же и девам и главами киванием и устнами их неприязнен клич, вся скверные бесовские песни, и хрептом их вихляниа, и ногам их скакание и топтаниа; тоу же есть мужеме и отроком великое падение, тоу же есть на женское и девичье шетание блоудное име возрЕние, такс же есть и женам мужатым осквернение и девам растлЕниа. Что же бысть во градех и в селех в годиноу ту; сотона красуется, коумирское празнование, радость и веселие сотонинское; в нем же есть ликование и величание дьяволе, и красование бЕсом его в людех. И того ради двигнетца и востанеть всяка неприазниненая угодна, яко в поругание и в бесчестие Рожеству Предотечеву и в носмЕх и в коризну дни его, не вЕдоущим истины, яко соутции идолослужителие бесовский празник сей празноують. Сице бо на всяко лЕто кумиром служебным обычеем сотона призывает, и томоу, яко жертва приноситца всяка скверна и беззаконие, богомерское приношение; а яко день Рожества Предотечи великого празнуют, но своим древним обычаем. Яко же древле согрЕшиша людие, не восхотеша закона хранити, седша ясти и пити, и востав начаша играти и прогнЕвати беззаконием своим: сих же пожре земля живых во един день… Наме православным соущим, по божественому апостолу празновати день Рожества великого Иванна в чистоте и целомудрии духовне, в молитвах, и в пощении, в братолюбии, и не козногласовании и пьяньством, не любодЕянии и стоудодЕянием, ни рвением и завистию; но облецемся господеме нашим Исус Христом, и плотиугодиа не творим в похоти… Вы же государи наши, благочестивый власти сущи, грозная держава христолюбиваго государя нашего, и оумите храборским моужеством вашим от таковаго начинание идольскаго служениа богозданныи народ сей, творящая злая бесовьская угодна в день Предотечев, да молитвами его великого предстательства вселенный Иванна Крестителя милостив наме боудете и щедре и оставить грЕхи наша, во страшный день праведнаго суда своего, господа нашего Исус хряста, емоу же слава со отцем и с пресвятыме, благим и животворящим духом, и нынЕ и присно и во вЕки вЕком аминь.

 

 

Псковская первая летопись.



Создан 05 окт 2011



  Комментарии       
Имя или Email


При указании email на него будут отправляться ответы
Как имя будет использована первая часть email до @
Сам email нигде не отображается!
Зарегистрируйтесь, чтобы писать под своим ником